Wata kotun shari’a da ke zamanta a Kano a ranar Alhamis ta bayar da umarnin tsare wani mutum mai suna Suleiman Shu’aibu mai shekaru 46 a gidan yari bisa zarginsa da lakadawa tsohuwar matarsa duka da kuma kiranta da karuwa.
Shu’aibu wanda ke zaune a Rumawa Quarters Kano, ana tuhumarsa da laifin aikata laifuka da kuma bata mata suna.
Alkalin kotun, Nura Yusuf-Ahmad, ya bayar da umarnin a tasa keyar wanda ake kara a gidan gyaran hali, sannan ya dage ci gaba da sauraron karar zuwa ranar 7 ga watan Satumba domin sauraren karar.
Tun da farko, Lauyan masu gabatar da kara, Mista Aliyu Abideen, ya shaida wa kotu cewa Adama ta kai karar a ofishin ‘yan sanda na Zango Kano, ranar 21 ga watan Agusta.
Ya yi zargin cewa a ranar 18 ga watan Agusta da misalin karfe 10:00 na safe wanda ake kara ya yi amfani da karfi wajen lakada wa tsohuwar matarsa Adama Munka’il duka saboda ya gan ta tare da wani sabon saurayi kuma ya kira ta da karuwa.
![[Bidiyo] Ni na haɗa auren G-Fresh da Alpha Charles – Jaruma Babiana](https://i0.wp.com/hausaloaded.com/wp-content/uploads/2024/12/Picsart_24-12-25_12-05-31-313-scaled.jpg?resize=220%2C150&ssl=1)
Wadda ake tuhumar ya amsa laifin da ake tuhumarsa da laifin ta na farko sannan ta musanta kiranta da karuwa.
A cewar mai gabatar da kara, laifin ya ci karo da tanadin sashe na 165 da 188 na dokar shari’ar jihar Kano.
Inda ya umarci da akai wanda ake kara zuwa gidan gyaran hali hat zuwa ranar da kofin zata cigaba da gudanar da sharia.
Madogara: Dimokuraɗiyya
.jpeg )
