Kungiyar Dalibai da Matasan Najeriya (NISYA) ta roki gwamnatin Najeriya da ta kawo karshen duk wani nau’i na mamayar kamfanin samar da siminti da kuma rarraba shi a kasarnan

Musamman, kungiyar a zanga-zangar da ta gudana a garin Benin, jihar Edo, ta zargi Kamfanin siminti na Dangote, mallakin hamshakin attajirin nan na Afirka, Aliko Dangote da kara farashin kayansa da kashi 100.
Kamar yadda na ruwaito.Ƙungiyar ta ba kamfanin siminti da sauransu wa’adin awanni 48 su koma kan tsohon farashin, inda ta kara da cewa rashin bin kiran zai zama toshe babbar hanyar don dakatar da rarraba siminti a jihar.
Mai magana da yawun kungiyar, Osemudamen Elvis Ogbidi, ya ce, “Mun yi watsi da karin kudin da ake samu a farashin siminti. Muna shan wahala a dukkan fannoni tun daga ilimi zuwa noma, kiwon lafiya, da tsaro. Shin suna son ‘yan Najeriya su daina gina gidaje ne?
“Sun kara suminti daga N2, 000 zuwa N4, 000 a jihar Edo, amma duk da haka ana samun albarkatun kasa daga jihar.
“Kuna samar da siminti anan, amma farashin ya karu da kashi 100 bisa dari. A Arewa, ana sayar da siminti a kan N2, 000 kuma a nan Edo ana sayar da shi kan N4, 000, yayin da a jihar Abia, ana sayar da buhun siminti a kan N6, 000.
“Muna kira ga Gwamnatin Tarayya da ta hana duk wani nau’I na mallakin kamfanin siminti, idan suka tallafawa wasu kamfanonin siminti kamar yadda suka tallafa wa Dangote, za a yi gasa a masana’antar hakan kuma zai sa farashin ya sauka kuma kamfanoni za su samar kayayyaki masu inganci don tallafi mafi girma.
“Idan Dangote bai koma ga tsohon farashin ba, za mu toshe hanyar Benin By-Pass tare da tabbatar da cewa an dawo da kowace motar,” in ji shi.
Har ila yau, wani tsohon Sakataren Yada Labarai na Ɗaliban Nijeriya da kungiyar Matasa, Mista Ikehi Lawrence ya ce kashin da ke cikin rigimar ita ce gazawar gwamnati na bada kyakkyawar hanyar sarrafa farashi.
Ya ce bai kamata a kara farashin bisa son rai ba.
“Matsalar ita ce, ya kamata gwamnati ta kasance mai yin abin da ya kamata kuma ta mai da martani. A cikin ƙasa mai mahimmanci, dole ne a sami hanyar sarrafa farashin. Wannan shi ne abin da ya kamata gwamnati ta yi, ”inji shi.