Shahararren Fasto, Dakta Kan Ebube Muonso ya yi hasashen kasar da za ta lashe gasar AFCON a gobe Lahadi 11 ga watan Faburairu.
Ebube ya ce kasar Ivory Coast za ta tafi da kofin gida sai dai hakan zai faru ne a cikin kuskure.
Mene Faston ke cewa kan wasan Najeriya?
Faston ya ce ya na ta addu’ar samun nasarar Najeriya a wasan inda ya ce karfin ikon ubangiji zai kwace kofin zuwa Najeriya.
Dakta Kan ya bayyana haka ne a shafin cocinsa, Power and Victory in Christ na Facebook a jiya Juma’a 10 ga watan Faburairu.
Jaridar legit na ruwaito cewa Kan ya yi hasashen cewa Ivory Coast za ta lashe kofin ne a kuskure wanda hakan zai faru sanadin kuskuren alkalin wasa.
Abin da Faston ya hango a wasan
Har ila yau, ya kara da cewa Najeriya ita ce ta fi dacewa da kofin a wasan karshe da za a gudanar.
A cewarsa:
“Na hango kasar Ivory Coast ta dauki kofin bayan alkalan wasa sun nuna son kai, amma Najeriya ta fi dacewa da kofin.
“Sai dai zan karbi kofin daga Ivory Coast na mika shi ga Najeriya da karfin mulkin ubangiji a aikin da zan fara yi a gobe.
“A wallafawar da zanyi a gaba bayan yin aikin ,za ku gane cewa akwai karfin ikon mulki a hannun ubangiji.”
Wannan na zuwa ne yayin da ake dakon wasan karshe tsakanin Najeriya da kasar Ivory Coast mai masaukin baki.
Musa ya jagoranci addu’a
Kun ji cewa Kyaftin din tawagar Super Eagles, Ahmed Musa ya jagoranci addu’a ga wadanda suka mutu yayin wasan Najeriya.
Musa bayan addu’ar ya yi alkawarin da yardar Allah za su dawo da kofin gida don wadanda suka mutu da sauran ‘yan Najeriya.
~Legit.ng
