Haɗama ko Talauci : Ma’aikatan gwamnati a Kaduna sun koma crypto


A yayin da gwamnatin jihar Kaduna ke jan kafa wajen aiwatar da mafi karancin albashi na Naira dubu 70, mazauna jihar, ciki har da ma’aikata sun rungumi harkar rypto a matsayin wata hanya na samun kudade.
Wakilin Daily Trust ya lura cewa, an samu karuwar masu yin Crypto a Kaduna ga wadanda ke amfani da wayoyin hannu na zamani.
Hakazalika Daily Trust ta gano cewa ma’aikata daga ma’aikatun ilimi da ayyuka da fannin shari’a sun rungumi ‘mining’ na crypto a matsayin wata hanya ta daban ta samun kudade.
Wani ma’aikaci a ma’aikatar shari’a da ya nemi a sakaya sunansa ya ce ” na shiga harkar crypto tsawon watanni a matsayin karin hanyar samun kudi, mussaman tun da gwamnatin jiha har yanzu ba ta aiwatar da tsarin mafi karancin albashi ba.
” Na samu nasarar samun Naira dubu 100 daga Crypto a ranar Lahadi da ta gabata”, in ji shi.
Shima wani ma’aikaci daga hukumar KASTLEA, wanda ya samu Naira dubu 80 daga crypto a ranar Lahadi ya ce “ina yin crypto ne domin samun karin kudi daga wanda na ke karba duk wata a matsayin albashi. Wata hanya ce wacce ba ta hana ni aiki na”, inji shi.
Shima wani mai suna Haruna da ke aiki a wani kamfanin Inshora mai zaman kansa ya samu Naira dubu 200 daga kudin na Crypto.
” Zan yi amfani da wani bangare na kudin na siyi kayan abinci”, inji shi.
Daily Nigerian Hausa
Join Our WhatsApp Channel
Get verified job vacancies, career tips, scholarships and opportunities delivered straight to your phone, free and as soon as they're posted.


![[Bidiyo] Ni na haɗa auren G-Fresh da Alpha Charles – Jaruma Babiana](https://i0.wp.com/hausaloaded.com/wp-content/uploads/2024/12/Picsart_24-12-25_12-05-31-313-scaled.jpg?resize=220%2C150&ssl=1)



