Lauyoyi na sun yi mun shigo-shigo ba zurfi – Malam Abduljabbar

Malam Abduljabbar Kabara ya zargi lauyoyin sa da yi masa shigo-shigo ba zurfi.
Malamin ya bayyana hakan a gaban kotu, bayan da lauyoyin sa suka bayyana janyewar su daga bashi kariya a kotu.
Freedom Fm ta ruwaito ,ya ce, lauyoyin sa su ne suka hana shi magana a baya, duk da cewa yana son yin magana, har ta kai ga kotu ta ce a gwada lafiyar ƙwaƙwalwar sa.
Abduljabbar ya kuma ce, a yanzu lauyoyin sun gudu sun bar shi, sakamakon yadda yaƙi amincewa da buƙatar su na amsa cewa shi mahaukaci ne a gaban kotu don ya kuɓuta.
Tuni dai kotu ta bashi damar sake ɗaukar lauya domin ci gaba da kare shi.