Nasihar Wata Uwa Mai Hankali Ga ‘Yarta Yayin Aurenta
1 – Ki zama kamar baiwa ga mijinki, sai shima ya zama kamar bawa a gare ki.
2 – Kada ki nisance shi, sai ya manta dake.
3 – Ki kiyaye masa hancin sa,jinsa, da ganinsa; kada ya shaki wani abu daga gareki sai
mai qamshi kada yaji wani abu daga bakinki sai mai dadi kada yaga wani abu daga gareki sai mai kyau.
4 – Ki kiyaye masa lokacin Abincin sa da lokacin Baccin sa, domin yunwa tana hassala mutum, kuma gurbata masa bacci na fusata shi.
5 – Ki kiyaye masa Dukiyar sa,dangin sa da gidan sa, domin suna da matukar muhimmanci a gareshi.
6 – Ki guji yin farin ciki yayin da yake cikin bacin rai, kuma ki kiyayi yin bakin ciki, yayin da yake farin ciki.
7 – Ki girmama shi matuqa shima zai girmamaki matuqa, fiye da yadda kowa zai girmamaki.
8 – Ki sani cewa gwargwadon yadda kike amincewa da ra’ayin sa gwargwadon tausayawar da zai miki.
9 – Kada ki juya masa baya yayin da ya kusanto gareki.
10 – Ki sani yake ‘yata baza ki sami yadda kike soba har sai
kin zabi yardar sa akan yardar ki, kin fifita son ransa akan son ranki.
11 – Kada ki fiya naci ko fushi a lokacin da kike neman wani abu agareshi, sai ya kosa dake.
12 – Daga karshe don girman Allah ki yi hakuri ki zamo shimfida ga mijinki zai zamo rumfa a gareki.
ALLAH YASA SAURAN YAN UWA MATA SUMA SUYI AMFANI DAWAN NAN NASIHA.
Join Our WhatsApp Channel
Get verified job vacancies, career tips, scholarships and opportunities delivered straight to your phone, free and as soon as they're posted.






