Ibrahim Attahiru: Babban hafsan sojin ƙasa Na Najeriya ya Rasu

Babban hafsan sojin Najeriya Laftanar Janar Ibrahim Attahiru ya rasu sakamakon hadarin jirgin saman soji a Kaduna.
Mai magana da yawun rundunar sojin, Birgediya Janar Mohammed Yarima ne ya tabbatar wa BBC da faruwar lamarin.
Bayanai sun ce jirgin saman na soji ya fadi ne a kusa da filin tashi da saukar jiragen sama na Kaduna kuma mutum takwas ne a cikin jirgin lokacin da lamarin ya faru.
Rundunar sojin saman Najeriyar ta wallafa wani saƙo a shafinta na Twiiter inda ta bayyana cewa wani jirginta ya faɗi a kusa da filin jirgin sama na Kaduna.

An air crash involving a @NigAirForce aircraft occurred this evening near the Kaduna International Airport. The immediate cause of the crash is still being ascertained. More details to follow soon.
Edward Gabkwet
Air Commodore
Director of Public Relations and Information
21/5/21 pic.twitter.com/N01V2M6qUc

— Nigerian Air Force (@NigAirForce) May 21, 2021

Laftanar Janar Ibrahim Attahiru shi ne ya maye gurbin Janar Tukur Buratai babban hafsan sojan ƙasa.
An haifi Janar Attahiru a 1966 a jihar Kaduna da ke arewacin Najeriya.
Kafin ba shi wannan muƙamin, Laftanar Janar Attahiru shi ne shugaban runduna ta 82 a rundunar sojin Najeriya.
Ya taba jagorantar yaƙi da ƙungiyar Boko Haram amma a shekarar 2017 ne Janar Tukur Buratai ya sauke shi daga muƙamin bayan wasu hare-hare da ‘yan bindiga suka kai inda aka kashe wasu mutane 50 a lokacin da suke sallah a masallaci.
Dama dai Buratai ya ba shi wa’adin kamo shugaban Boko Haram Abubakar Shekau a mace ko a raye.
Janar Nicholas Rogers ne ya maye gurbinsa.

Advertisment