Sana’a Goma: Ali Artwork ya buɗe kamfanin sayar da Motoci da cinikin Gidaje
Fitaccen tauraron fina-finan Hausa Ali Muhammad Idris, wanda aka fi sani da Ali Artwork, ya raba kafa inda ya bude wani kamfani a jihar Kaduna da birnin tarayya Abuja mai suna AliArtWork Enterprises.


Jarumin wanda fitacce ne a cikin fina-finan Hausa na kannywood, musamman harkar barkwanci ya bude wajen ne musamman domin samar da ayyukan yi ga matasa.


Ana gudanar da abubuwa da dama a wajen, kamar sayar da motoci da bayar da su haya da hada – hadar gidaje da filaye da kuma harkokin tuntuɓa.
A shafinsa na Facebook, Ali Artwork ya wallafa wasu daga cikin hotunan buɗe wajen, inda ya gayyaci ƴan uwa da abokan arziki domin su ta ya shi murna.
Join Our WhatsApp Channel
Get verified job vacancies, career tips, scholarships and opportunities delivered straight to your phone, free and as soon as they're posted.







