Masu zanga-zanga sun shiga har gidan Buhari a Daura

Masu zanga-zanga sun kutsa gidan tsohon Shugaban ƙasa Muhammadu Buhari yau a lokacinda ake zanga-zangar yunwa da tsadar rayuwa

Rahotanni sun ce daƙyar aka rarrashi fusattatun matasan yayin da suka nemi farfasa gidan, inda aka rarrashe su aka sanya suka gabatar da mutum ɗaya a cikinsu ya yi jawabi ana daukarsa a kyamara tare da yarjejeniyar za a turawa shugaba Tinubu,

Jaridar A Yau ta ruwaito daga nan sai matasan suka nufi fadar Sarkin Daura da Magajin Garin daura inda suka yi ɓarna daƙyar gamayyar jami’an tsaro suka tarwatsa masu zanga-zangar waɗanda ke ta ihu “Bama yi, Bama yi, Bama yi”

Yanzu haka dai an ƙara tsaurara tsaro a gidan tsohon Shugaban kasar da masarautar Sarkin Daura da sauransu

Advertisment