Har yanzu masara ta fi tsada a kasuwar Mile 12 International Market da ke jihar Legos a kudancin Najeriya a ‘yan makonnin nan,inda ake sayar da buhun masara mai cin tiya 40 ₦110,000,amma a makon daya gabata ₦108,000 aka sayi buhun masara.
A kasuwar mai’adua jihar Katsina an sai da buhun ₦92,000 a wannan makon,inda a makon jiya aka saya ₦98,0000,an samu sauƙin ₦6000 a makon nan.
Sai dai buhun masara ya fi sauki a kasuwar Dandume jihar Katsina, inda aka sai da ₦85-87,000 .
To a kasuwar Dawanau jihar Kano ₦85,000 ake sai da buhun masara a wannan satin,bayan da a makon da ya wuce aka sayar ₦90,000,an samu ragin ₦5000 kenan.
Sai Kasuwar Gombi jihar Adamawa aka sai da ₦80-85,000,bayan da a makon jiya aka saya ₦95-98,000.
₦90,000 daidai aka sai da buhun masara a kasuwar Giwa jihar a makon daya gabata,amma a wannan makon ₦80,000 ne kuɗin buhun yake a kasuwar.
hakan na nuna cewa farashin masara a ya sauka,amma a wasu daga cikin kasuwanni da ke arewacin kasar a satin nan.
To bari muje bangaren Shinkafa amma ‘yar gida, ita ma dai shinkafar tafi tsada a kasuwar Mile 12 International Market a jihar Lagos da aka saya ₦160,000 a satin nan,bayan da a makon daya wuce aka sayar da buhun ₦155,000.
A kasuwar karamar hukumar Girie da ke jihar Adamawa ₦155,000 ne ake sayar da buhun tsabar shinkafa a makon nan,amma makon daya kare ₦160,000 cif aka sayi buhunta.
Shinkafar Hausa tafi sauki a kasuwar Mai’adua jihar Katsina wanda aka sayar da buhun ₦143,000 a sanin nan,sai dai satin daya shuɗe ₦140,000 daidai ne kuɗin buhun a kasuwar.
Sai kasuwar Dandume jihar Katsina aka saya a kan kudi ₦125-155,000 a wannan makon.
A jihohin Kano da Kaduna an sayi buhun Shinkafa ‘yar gida ₦145,000 a makon nan da ke shirin karewa,yayinda a Makon daya gabata aka sayi buhun ₦150,000 a kasuwannin.
Ita kuwa Shinkafar waje tafi sauki a kasuwar Mile 12 International Market da ke jihar Lagos a kudancin Najeriya da aka saya ₦75, 000,bayan da a makon jiya aka saya ₦78, 000.
Sai dai kuma Shinkafar baturen tafi tsada a kasuwannin Arewacin kasar,inda aka sai da Buhunta ₦95, 000 a kasuwar Dawanau da ke jihar Kano a makon nan,haka batun yake a makon jiya.
An sayi buhun Shinkafa ‘yar waje ₦87,000 a kasuwar Mai’adua jihar Katsina a wannan satin,bayan da a makon jiya aka saya ₦85, 000,an samu karin ₦2000 kenan.
Ita kuwa kasuwar Zamani da ke jihar Adamawa farashin buhun Shinkafar bai sauya tufafi ba dana makon jiya da aka saya ₦78, 000.
Idan muka leka kasuwar Giwa jihar Kaduna an sayar da buhunta ₦80,000 cif a wannan makon,bayan da a makon jiya aka saya ₦86,000, an samu sauƙin ₦6000 a mako guda.
Farashin farin wake ma dai yana ci gaba faduwa a sassan kasuwannin kasar, musamman a Kasuwar Mile 12 International Market da ke jihar Legas,an sayi buhun sa ₦230,000 a makon nan,sai dai an ɗauki tsawon makonni uku ana sayan buhun ₦250,000.
Sai kasuwar Mai’adua jihar Katsina aka saya ₦180,000 a satin nan,haka farashin yake a makon jiya.
Waken yafi sauki a kasuwar Karamar Hukumar Gombi da ke jihar Adamawa a wannan makon da aka sai da ₦140-150,000,amma a wancan makon ₦170,000 an samu sauƙin ₦20,000 kenan a satin nan da ke mana bankwana.
A kasuwar Giwa jihar Kaduna an sayi buhun farin wake ₦160,000 cif a makon nan,amma a makon jiya ₦180,000 ne kuɗin buhunta,haka nan an samu ragin ₦20,000 kenan a kasuwar.
₦165,000 ake sayar da buhun wake a kasuwar Dawanau da ke jihar Kano a makon nan, bayan da a makon da ya shude aka saya ₦178000.
To bari mu ƙarƙare da farashin kayan abinci na wannan satin da farashin kwalin taliya.
Farashin kwalin taliya dai na ci gaba da jan akalarsa a wasu kasuwannin kasar nan, musamman a jihar Lagos da ke yankin kudu,wanda ake sai da kwalin na Taliya ₦18,000 tsawon makonni ba tare da ya sauka ba.
Ita ma dai kasuwar Mai’adua jihar jihar Katsina ₦18,000 daidai ake sayar da kwalin taliya,amma a makon daya wuce ₦16,000 aka saida.
Sai kuma kasuwar Giwa jihar Kaduna da ake sayarwa ₦17,500 a wannan makon,haka farashin yake a makon daya shude.
To a kasuwar Zamani da ke nan jihar Adamawa ₦17,500 aka sai da kwalin na Taliya a makon jiya,amma a satin nan ₦17,200 ne kuɗin sa,an samu sauƙin ₦300 a wannan satin.
₦16,300 aka sayar da kwalin taliyar a Kasuwar Dawanau jihar Kano a wannan makon,bayanda a makon jiya aka saya ₦14,000 daidai,karin ₦2300 a mako ɗaya.
Alkaluman da hukumar Kididdiga ta kasa (NBS ) ta fitar a watan Yunin shekarar 2024 na nuna cewar hauhawar farashin kayayyakin masarufi ya kai kashi 34.19.
Dclhausa
.jpeg )
