Da Ɗumi-Ɗumi: Kamfanin MTN ya rufe ofisoshin sa a faɗin Najeriya

Kamfanin MTN ya sanar da rufe dukkan ofisoshin sa dake Najeriya daga yau Talata 30 ga watan Yuli.

Wani jami’i a kamfanin ne ya tabbatar da hakan ga jaridar TheCable.

Majiyar ta ce an ɗau matakin ne sakamakon farmakin da fusatattun mutanen da aka rufewa layuka suka kai wa kamfanin.

A ranar 27 ga watan Yuli ne dai ƴan Najeriya da dama suka kai kokensu bayan hana su amsa kira da yin kira a layukan nasu sakamakon rashin tantance lambar NIN dinsu.

A ranar Litinin ne wasu fusatattu masu amfani da layukan suka farmaki ofishin MTN dake Festac a jihar Legas.

Daily Nigerian Hausa

Advertisment