Hukumar Yaƙi da cin hanci da Rashawa EFCC Ta Sake Dawo da Binciken badakalar Tsofaffin Gwamnoni 13 da Wasu Tsofaffin Ministoci, inda kuɗaɗen suka kai sama da N Biliyan 853, dan jarida Ahmed Tijjani Ramalan ya wallafa a shafinsa na facebook.
Mutanen da abin ya shafa sun hada da tsoffin Gwamnonin jihar Ekiti biyu, Kayode Fayemi da Ayo Fayose; tsohon gwamnan jihar Zamfara, Bello Matawalle; Gwamnonin jihar Enugu, Chimaroke Nnamani da Sullivan Chime; Tsohon Gwamnan jihar Nasarawa, Abdullahi Adamu; tsohon Gwamnan jihar Kano, Rabiu Kwankwaso.
Sauran sun hada da tsohon gwamnan jihar Ribas, Peter Odili; Tsohon Gwamnan jihar Abia, Theodore Orji; Tsohon Gwamnan jihar Gombe, Danjuma Goje; Tsohon gwamnan jihar Sokoto, Aliyu Wamako; Tsohon gwamnan jihar Bayelsa, Timipre Sylva; da Tsohon Gwamnan jihar Jigawa, Sule Lamido.
Bello Matawalle, Wanda a halin yanzu yake rike da muƙamin Ministan tsaro a Gwamnatin Shugaba Bola Tinubu, ana tuhumar sa da laifin karkatar da kudade N70bn; yayin da Fayemi, wanda ya rike mukamin ministan ma’adanai mai tsafta a majalisar ministocin tsohon shugaban kasa Muhammadu Buhari
Hukumar da ke yaki da masu yi wa tattalin arzikin kasa zagon kasa na binciken Fayose, wanda ya yi wa’adi na biyu a matsayin Gwamnan jihar Ekiti, bisa zargin almundahanar N6.9bn.
Ana tuhumar Nnamani kan badakalar N5.3bn; Ana binciken Chime ne a kan badakalar Naira miliyan 450 a yakin neman zabe a wani bangare na N23bn da ake zargin Tsohuwar ministar man fetur, Diezani Alison-Madueke ta raba, yayin da ake binciken Abdullahi Adamu kan zargin almundahanar N15bn.
Ana tuhumar Kwakwanso bisa zargin rashin tura asusun fansho na N10bn; Ana binciken Orji kan zargin karkatar da kudi N551bn; yayin da kuma ana binciken Odili bisa zargin damfarar N100bn. Har yanzu dai ba a san yadda za a Gudanar da binciken Tsohon Gwamnan jihar Ribas ba Saboda ya samu umarnin dakatar da hukumar EFCC da sauran jami’an tsaro daga wata babbar kotun tarayya a watan Maris na 2008, wanda har ya zuwa yau ba a bar ta ba.
Hukumar ta Gurfanar da Danjuma Goje bisa zargin almundahanar N5bn; Ana binciken Wammako bisa zargin karkatar da naira Biliyan 15; Sylva, Wanda Tsohon Ƙaramin minista ne a ma’aikatar man fetur a zamanin mulkin Buhari, na fuskantar bincike kan zargin karkatar da kudade N19.2bn; yayin da ake binciken Lamido kan badakalar N1.35bn.
Ana ci gaba da binciken Diezani kan wasu zarge-zargen almundahanar kudade da suka shafi biliyoyin Naira da miliyoyin daloli.
.jpeg )
