Gwamnan jihar Kaduna, Uba Sani ya amince da rage kuɗin makaranta a manyan makarantu na jihar.Bbchausa na ruwaito.
A cikin wata sanarwa da ya fitar yau Litinin, gwamnan ya ce ya yi hakan ne domin rage irin wahalhalun da tsadar kuɗin makaranta ke haifarwa ga al’ummar jihar.
Sanarwar ta ce an yi ragin kashi talatin cikin ɗari na kuɗin makaranta da ɗalibai ke biya a jami’ar jihar Kaduna, wato KASU.
Haka nan an yi ragin kashi hamsin cikin ɗari na kuɗin da ɗalibai ke biya a kwalejin fasaha ta Nuhu Bamalli da ke Zaria.
Bugu da ƙari sanarwar ta ce an yi ragin kashi hamsin cikin ɗari a kan kuɗin da ɗalibai ke biya a Kwalejin ilimi ta jihar da ke Gidan Waya.
Yayin da aka yi ragin kashi talatin cikin ɗari a kan kuɗin da ɗalibai masu karatun babban difiloma ke biya a Kwalejin koyar da harkokin lafiya ta Shehu Idris da ke Makarfi, inda su ma masu karatun difiloma za su samu ragin kashi talatin cikin ɗari.
A ƙarshe sanarwar ta ce an yi ragin kashi talatin cikin ɗari a kan kuɗin da ɗalibai ke biya a kwalejin koyon jinya ta jihar.
Mun samu wani daga wani mai amfani da kafar sada zumunta facebook Sani Hassan maidalailu kudan inda ya ruwaito yadda ragin ya kasance.
• KADUNA STATE UNIVERSITY
– Current Fee: N150,000
– Reduction (%): 30%
– New Fee: N105,000
• NUHU BAMALLI POLYTECHNIC
– Current Fee: N100,000
– Reduction (%): 50%
– New Fee: N50,000
• COLLEGE OF EDUCATION, GIDAN WAYA
– Current Fee: N75,000
– Reduction (%): 50%
– New Fee: N37,500
• SHEHU IDRIS COLLEGE OF HEALTH SCIENCES AND TECHNOLOGY, MAKARFI
HND Courses
– Current Fee: N100,000
– Reduction (%): 30%
-New Fee: N70,000
ND Courses
– Current Fee: N75,000
– Reduction (%): 30%
– New Fee: N52,000
• KADUNA STATE COLLEGE OF NURSING
– Current Fee: N100,000
– Reduction (%): 30%
– New Fee: N70,000
