Sanannen abu ne yadda jaruma Rahama Sadau tayi fice kuma take shan caccaka a kafafen sada zumuntar zamani wanda dama ba yau aka fara ba.
Jarumar ta saba yin wallafa iri-iri wadanda ke hassala mabiyanta har su dinga zaginta su na cin zarafinta da maganganu dimokuraɗiyyar na wallafa
Akwai wadanda kan kira ta da marar kishin addini musamman ganin yadda take cudanya da mawaka da jaruman kudu.
A wannan karon, jarumar ta yi wallafa ne tana yi wa mawaki Davido ta’aziyyar mutuwar dansa Ifeanyi, wanda ya mutu a kwamin wanka ta shafinta na Twitter.
No words!!!???? This is heartbreaking ????My condolences to @davido & Chioma. May God comfort you & your family. I cannot just imagine.???? God!! We Are Sorry!!????????????????????
— Rahama Sadau ✨ (@Rahma_sadau) November 1, 2022
Duk da dai wasu na ganin ba matsala bace don musulma ta yi wa kirista gaisuwa, a wannan karon mutane ganin akwai wadanda da dama su ka rasa ‘yan uwansu, akwai jaruman Kannywood, kamar su Nura Mustapha Waye da Kafi gwamna na Kwana Casa’in da su ka rasu kwanan nan kuma ba ta yi wallafa tana ta’aziyya ba.
Sai ga shi mawaki na kudu, ya rasa dansa ta fito duniya tana taya shi takaici. Ya fara ne da wallafa cewa:
“Zuciyata ta karye, ina yi wa Davido da Chioma ta’aziyyar rasa dansu da su ka yi. Ubangiji ka yafe mana.”
Bayan ganin idanu sun dawo kanta inda ake din caccakarta, ta kara da cewa dabbobi sun cika mata bangaren tsokaci, wasunsu ma magenta ta fi su. Anan ne ta sha zagi kala-kala daga mutane daban-daban.
