Labarai

Angelina Jolie Ta kira Kasashen Musulmai Jahilai kan Rashin Na’am da Fim Dinta mai suna ‘Enternal’

Angelina Jolie Ta kira Kasashen Musulmai Jahilai kan Rashin Na'am da Fim Dinta mai suna 'Enternal'Fitacciyar jarumar fina-finan kasar Amurka na Hollywood Angelina Jolie ta caccaki kasashen Musulmi da suka hana haska wani fim na ta da aka fitar a ‘yan kwanakin nan.
Ta kira kasashen Musulmai “Jahilai” saboda sun hana haska fim na ta na kamfanin Marvel, saboda goyon bayan auren jinsi da ake nunawa a cikin fim din.
Fim din wanda ake nuna yadda mutane masu jinsi daya ke sumbatar juna an dakatar da haska shi a kasashen Musulmai da dama da suka hada da kasar Saudiyya, Qatar, Kuwait, Bahrain da kuma Oman.
A kwanakin baya ne dai wata hukumar tace fina-finai ta bukaci kamfanin na Marvel da ya yanke wuraren da ake nuna irin abubuwan da ba su kamata ba a cikin fim din, sai dai kamfanin ya yi kunnen uwar shegu da wannan bukata ta kamfanin.
kamar yadda Labarun hausa da Nbcnews Na ruwaito Angelina Jolie, wacce ta fito a matsayin Thena Abadi a cikin fim din, ta fito ta tofa albarkacin bakin ta kan lamarin. A wata hira da aka yi da ita, ta kira lamarin a matsayin marar dadi, inda ta kuma kira kasashen da suka hana kallon fim din a matsayin “Jahilai”.
A wani bangare kuma, Angelina Jolie ta yabawa kamfanin na Marvels da yaki yadda ya yanke wasu wurare a fim din.
Auren jinsi har yanzu haramun ne a da yawa daga cikin kasashen Musulmai, irin su Saudiyya, Kuwait, Qatar, da sauran su, hukumomin tace fina-finai na kasashen suna bukatar a dinga yanke dukkan wurin dake nuni da auren jinsi a cikin fim kafin su bari a haska shi a kasashen su.
Fim din mai suna “Eternal” shine fim da kamfanin Marvel suka yi na farko dake nuni da auren jinisi, inda ake nuno maza suna sumbatar juna a ciki.
Fim din dai ya samu fitowar manya-manyan jaruman Hollywood, irin su Angelina Jolie, Salma Hayek, Kumai Nanijani, haka shima mawaki Harry Styles ya samu damar fitowa a cikin fim din, inda ya fito a matsayin dan uwan Thanos.
Sai dai kuma wasu majiyoyin sun ruwaito cewa akwai yiwuwar ba wai saboda sumbata da maza ke yi a cikin fim din ne ya sanya aka hana haska fim din a kasashen ba, inda suka ce an hana haska fim dinne saboda kamfanin na Marvel ya saba yin fim dake nuni da cin zarafin Allah da Manzonin sa.

Mr HausaLoaded

Abubakar Rabiu Editor-in-cheif

Related Articles

Leave a Reply

Your email address will not be published.

Back to top button