Da sana’ar gwangwan na fara neman kuɗi – Tijjani

Fitaccen ɗan wasan Hausa a Kannywood Tijjani Asase ya ce, ya fara neman kuɗi daga sana’ar gwamngwan.
Tijjani ya kuma ce yayi sana’ar karen mota kafin ya kai ga shiga masana’antar Kannywood.
Jarumin ya bayyana hakan a zantawar sa da Freeom Radio.
Asase ya ce “Babban abin da yake burgeni a rayuwa shi ne na ga matashi ya riƙe sana’a komai ƙanƙantar ta, sannan mutum ya kasance mai gaskiya da rikon amana”.
Jarumin dai na fitowa a fina-finai Kannywood, kuma mafi yawa ana ganin sa yana taka rawa a matsayin ɗan fashi ko kuma wani gawurtaccen mai laifi.
“Babban abinda yake haifar da ƙwacen waya a yanzu shi ne rashin dogaro da kai da matasa ke yi, gashi kuma suna yiwa masu ƙananan sana’o’in kallon banza”. A cewar Asase.
Jarumi Asase yayi fatan masana’antar su ta ci gaba da samar da fina-finan da za su sauya rayuwar al’umma.

Advertisment