Kotun majistiri mai lamba 18 da ke gyaɗi-gyaɗi a Kano ta ƙi amincewa da bada belin budurwar da ta aika wa saurayinta ƴan fashi.
A zaman kotun na ranar Alhamis mai shari’a Auwal Yusuf Sulaiman yayi watsi da buƙatar lauyoyinta inda suka nemi a bada belinta da matasan da ake zargin ta aika don afka wa saurayinta.
Kamr yadda Freedom radio na ruwaito a kwanakin baya ne aka zargi budurwar mai suna Fatima Umar mazauniyar Ɗantsinke da ke ƙaramar hukumar Kumbotso da aika wa saurayinta gungun wasu matasa 6 har gida ɗauke da makamai saboda ya daina son ta.
