Dan wasan kulob din Real Madrid, Cristiano Ronaldo ya sake ci wa kulob dinsa kwallaye uku shi kadai a wasan kusa da karshe na gasar Champions League da suka buga da Atletico Madrid.
An dai tashi wasan 3-0 da kungiyoyin suka buga da yammacin Talata a Bernabeu.
Atletico Madrid ta kai hari guda daya tilo wanda tsautsayi ya hana kwallon shiga raga.
Cristiano Ronaldo dai ya kasance dan wasan da ya fi kowanne yawan zura kwallaye a gasar Champions League, a inda ya jefa kwallaye 103 kawo yanzu.
Kuma wannan ne karo na 13 da dan wasan yake zuwa wasan kusa da na karshe na gasar ta Champions League.
Sources:bbchausa
Mun Dauko Daga Shafin Hausaloaded.com
